AtuartigukMeeqqat innarluutillit taakkualu qanigisaasa atugaat inatsisissatut siunnersuutissap pitsanngortissavai
Nassiussisuuvoq: Meeqqanut, Inuusuttunut Naalakkersuisoqarfik
Angajoqqaat/oqartussaassusermik tigummiartut meeqqamik angerlarsimaffimmi najugaqartumik innarluutilimmik paarsisinnaanissaannut pitsaanerusumik periarfissiinissaminnik Naalakkersuisut isumaqataapput.
Sisamanngorneq maajip ulluisa aappaanni Naalakkersuisut peqquneqassasut inatsimmik pilersitseqqullugit, pineqartoq meeqqap innarluuteqarnerata malitsigisaanik sivikinnerusumik suliguni angajoqqaaq/oqartussaassusermik tigummiartoq meeqqamut ataatsimik arlalinnilluunniit innarluuteqartumut imaluunniit arlalinnik innarluuteqartumut akissarsiatigut taarsiivigineqarnissaq pillugu Demokraatit aalajangiiffigisassatut siunnersuutitut saqqummiussaa Inatsisartunit suliarineqarpoq.
Angajoqqaat/oqartussaassusermik tigummiartut meeqqamik angerlarsimaffimmi najugaqartumik innarluutilimmik paarsisinnaanissaannut pitsaanerusumik periarfissiinissaminnik Naalakkersuisut isumaqataapput. 2024-mi ukiakkut Inatsisartut ataatsimiinneranni inuit innarluutillit tapersersorneqarnissaat pillugu inatsisissatut siunnersuummik Naalakkersuisut saqqummiussaqassapput.
Inatsisissatut siunnersuut inunnut innarluutilinnut arlalinnik pisinnaatitaaffeqalersitsissaaq, piffissamilu killiligaasumi akissarsiutigalugu qanigisamik innarluutilimmik paarsinissaq siunertaralugu atorfinitsinneqarnissaq periarfissaalissaaq. Tamatuma saniatigut inatsisissatut siunnersuut inunnut innarluutilinnut taakkulu qanigisaannut pissutsinut pitsanngoriaatinik arlalinnik imaqarpoq.
”Inunnut innarluutilinnut, minnerunngitsumik meeqqanut innarluutilinnut angerlarsimaffimmi najugaqartunut taakkualu qanigisaannut atugassarititaasut pitsanngortinnissaannut Naalakkersuisunit ukkatarineqarput. Inatsisissatut siunnersuutip nutaap inuit innarluutillit pisinnaatitaaffiinik qulakkeerinnissaaq aamma inatsisissatut siunnersuut isumaliutersuutigineqarluarsimassasoq, inatsisissatullu siunnersuummi pitsannguinerit ilaasussat maanna ukkatarisatta aalajangiusimaannarnissaat pingaaruteqarpoq.” taama oqarpoq Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede.
Sukumiinerusumik paasisaqarusukkuit naalakkersuisup allattaa Rosa Thorsen emailikkut rose@nanoq.gl imaluunniit oqarasuaatikkut +299 34 50 00 attavigiuk.
Sisamanngorneq maajip ulluisa aappaanni Naalakkersuisut peqquneqassasut inatsimmik pilersitseqqullugit, pineqartoq meeqqap innarluuteqarnerata malitsigisaanik sivikinnerusumik suliguni angajoqqaaq/oqartussaassusermik tigummiartoq meeqqamut ataatsimik arlalinnilluunniit innarluuteqartumut imaluunniit arlalinnik innarluuteqartumut akissarsiatigut taarsiivigineqarnissaq pillugu Demokraatit aalajangiiffigisassatut siunnersuutitut saqqummiussaa Inatsisartunit suliarineqarpoq.
Angajoqqaat/oqartussaassusermik tigummiartut meeqqamik angerlarsimaffimmi najugaqartumik innarluutilimmik paarsisinnaanissaannut pitsaanerusumik periarfissiinissaminnik Naalakkersuisut isumaqataapput. 2024-mi ukiakkut Inatsisartut ataatsimiinneranni inuit innarluutillit tapersersorneqarnissaat pillugu inatsisissatut siunnersuummik Naalakkersuisut saqqummiussaqassapput.
Inatsisissatut siunnersuut inunnut innarluutilinnut arlalinnik pisinnaatitaaffeqalersitsissaaq, piffissamilu killiligaasumi akissarsiutigalugu qanigisamik innarluutilimmik paarsinissaq siunertaralugu atorfinitsinneqarnissaq periarfissaalissaaq. Tamatuma saniatigut inatsisissatut siunnersuut inunnut innarluutilinnut taakkulu qanigisaannut pissutsinut pitsanngoriaatinik arlalinnik imaqarpoq.
”Inunnut innarluutilinnut, minnerunngitsumik meeqqanut innarluutilinnut angerlarsimaffimmi najugaqartunut taakkualu qanigisaannut atugassarititaasut pitsanngortinnissaannut Naalakkersuisunit ukkatarineqarput. Inatsisissatut siunnersuutip nutaap inuit innarluutillit pisinnaatitaaffiinik qulakkeerinnissaaq aamma inatsisissatut siunnersuut isumaliutersuutigineqarluarsimassasoq, inatsisissatullu siunnersuummi pitsannguinerit ilaasussat maanna ukkatarisatta aalajangiusimaannarnissaat pingaaruteqarpoq.” taama oqarpoq Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede.
Sukumiinerusumik paasisaqarusukkuit naalakkersuisup allattaa Rosa Thorsen emailikkut rose@nanoq.gl imaluunniit oqarasuaatikkut +299 34 50 00 attavigiuk.